Ingebjørg Kjersheim har fått Norges Vel medaljen for lang og tro tjeneste! Ingebjørg byrja ved Tryggheim Barnehage 01.08.87. Ho har sidan den gong vore fast tilsett ved barnehagen, tilsaman i 30 år. Ingebjørg utdanna seg til barnehagelærar ved Dronning Maud i Trondheim. Ho var nyutdanna då ho kom til barnehagen i 1987. Ho jobba først i ti år som styrar og deretter i 20 år som pedagogisk leiar. Medaljen vart overrekt på ei festeleg tilstelning for personalet ved Tryggheim. Anita Elin Woldsund takka på vegne av barnehagen og NLM-barnehagen AS Ingebjørg for den gode innsatsen ho har gjort desse 30 åra. Vi er glade for å ha Ingebjørg med på laget og ser fram til mange nye år ilag!